Madaxweynaha Hir-Shabeelle Ali Guudlaawe oo dib ugu laabtay Jowhar

0
203

Madaxweynaha Dowlad Goboleedka Hir-Shabeelle Cali Cabdullaahi Xuseen Guudlaawe oo todobaadyadii la soo dhaafay ku sugnaa Magaalada Muqdisho ayaa Maanta dib ugu laabtay Magaalada Jowhar ee Caasimadda Hir-Shabeelle.

Cali Guudlaawe ayaa waxaa soo dhaweeyay, Wasiiro, Xildhibaano ka tirsan Baarlamaanka Hir-Shabeelle, maamulka Gobolka Shabeellaha Dhexe iyo qeybaha kala duwan ee Bulshada.

Madaxweyne Cali Guudlaawe ayaa kormeer kutagay Goobaha ay kasocodaan Dadaalada xakameeynta Fatahaadaha Magaalada Jowhar, isaga oo ugu Mahadceliyay Maamulka Gobolka iyo Wasaaradda beeraha Dadaalada ay ku bixiyeen Xersita daadadka Fatahaadaha Wabiga Shabelle.

Madaxweyne Cali Guudlaawe ayaa dhanka kale baaq nabadeed u diray beelaha walaalaha ah ee ku dagaalamaya Magaalada Beledweyne isagoo ku baaqay inay nabada qaataan.

Madaxweynaha Dowlad Goboleedka Hir-Shabeelle Cali Cabdullaahi Xuseen Guudlaawe ayaa Magaalada Muqdisho waxaa uu uga qeyb galay shirar looga hadlayay Arrimaha doorashooyinka iyo xalinta khalalaasihii ka dhacay Magaalada Muqdisho.

LEAVE A REPLY

Please enter your comment!
Please enter your name here