12 qof oo lagu toogtay Itoobiya

0
114

Ugu yaraan 12 qof ayaa lagu dilay gobolka galbeedka Itoobiya ku yaalla ee Benishangul-Gumuz, iyadoo wax ka yar labo toddobaad kahorna ay rabshado noocan oo kale ah ka dhaceen gobolkaas.

Afhayeen u hadlay gobolkaas oo lagu magacaabo Melese Beyene, ayaa sheegay in rabshadaha ay ahaayeen “isku dhacyo u dhaxeeya shakhsiyaad” isla markaana la xiray dadkii ku lugta lahaa.

Balse sarkaal sare oo ka tirsan dhaqdhaqaaqa mucaaradka ah ee Amxaarada, Desalegn Chane, ayaa sheegay in xiisaddu ay daba socoto tii hore gobolka uga dhacday ee la xiriirtay isirka.

Wuxuu sheegay in tirada dhimashada ay gaari karto 18.

Toddobaadkii la soo dhaafay saraakiil ka tirsan gobolkaas ayaa sheegay in 14 qof lagu dilay weerarro ka dhacay halkaas. Afar iyo toban kale oo la sheegay inay ahaayeen kuwii weerarka soo qaaday ayaa sidoo kale la dilay.

LEAVE A REPLY

Please enter your comment!
Please enter your name here