Maxkamadda Gobolka Banaadir oo xukun ku riday agaasimeyaal ka tirsan Wasaaradda Caafimaadka XFS

0
140

Maxkamadda gobolka ayaa xukunno adag ku riday agaasimeyaal ka tirsan wasaraadda Caafimaadka Xukuumadda Federaalka Soomaaliya loo heestay musuqmaasuq.

Agaasimihii Guud ee Wasaaradda Caafimaadka Cabdullaahi Xaashi Cali ayay maxkamaddu ku xukuntay 9-sano oo xarig ah, iyo ganaax lacageed oo gaaraya 59,173,000 oo Shilin Soomaali ah, taasoo u dhiganta $2,366 oo Doolar.

Agaasimihii Maamulka iyo Maaliyadda Wasaaradda Caafimaad Maxamuud Buulle Maxamuud, ayaa lagu xukumay 18 sano oo xarig ah, ganaax dhan $2,366 iyo ka reebid xafiis dadweyne muddo aanan la cayimin.

Agaasimihii qeybta xisaabaadka wasaaradda Mahdi Abshir Maxamed ayaa isna lagu xukumay 12-sano oo xarig ah, ganaax lacageed oo dhan $2,366 iyo ka mamnuucid xafiis dadweyne muddo aanan la cayimin.

Bashiir Cabdi Nuur, madaxii mashruuca Malaariyadda, ayaa lagu xukumay saddex sano oo xarig ah, ganaax dhan $1,183 iyo in uusan xaadiri karin xafiis dadweyne muddo ku siman shan sano.

Eedeysanayaasha loo soo qabtay falkan musuqa ah ayaa horay u ahaa 9 eedeysane, maxkamadda ayaa wax danbi ah ku weysay eedeysanayaasha kale waxaana ay maxkamaddu u celisay xurriyadoodi.

LEAVE A REPLY

Please enter your comment!
Please enter your name here