Madaxweyne Qoor Qoor Oo Booqanaya Deegaano Ka Tirsan Gobolka Mudug Booqanaya.

0
74

Madaxweynaha Maamulka Galmudug Axned Cabdi Kaariye Qoor qoor ayaa lagu wadaa in maanta oo Khamiis ah uu booqdo deegaano ka tirsan gobolka Mudug iyo Xeryo loo diyaariyay in lagu xereeyo Maleeshiyaad dhawaan wasaaradda Amniga Galmudug ay hubka Kala wareegtay.

Ammaanka deegaanada uu ku wajahanyahay Madaxweynaha Galmudug oo uu ka mid yahay deegaanka Docol oo 40 KM u jira magaalada Gaalkacyo ayaa amnigiisa aad loo adkeeyay waxaana la filayaa saacadaha soo socda in halkaasi uu gaaro.

Dhinaca kalana inta uu ku suganyahay deegaankaas ayaa qorshuhu yahay in uu kormeero xerada ciidanka ee Indha Qaris halkaas oo lagu tababari doono Maleeahiyaadkii iyaga iyo hubkoda uu la wareegay Wasiirka Amniga Galmudug Axmed Macalin Fiqi.

Madaxweynaha Galmudug ayaa intaasi kadib kulan la qaadanaya Odayaasha dhaqanka ee deegaanka Docol ee gobolka Mudug waxaana haatan uu ku suganyahay magaalada Gaalkacyo.

LEAVE A REPLY

Please enter your comment!
Please enter your name here