Howlgalo Xubno Katirsan Al Shabaab Lagu Diley Oo kadhacay Deegaano Ka Tirsan G/Hiiraan.

0
147

Ciidanka Xoogga dalka Soomaaliya ayaa saacadihii lasoo dhaafay waxaa ay howlgal wado furis ah ka sameeyeen deegaano ka tirsan Gobolka Hiiraan.

Howlgalka ayaa waxaa hogaaminayay Taliyaha Ururka 41aad Guutada 5aad Qaybta 27aad Xoogga Dalka Dhamme Cabduqaadir Cali Nuur, waxaana uu sheegay in howgalka laga fuliyay inta udhexeeysa Magaalooyinka Buulo-Burde iyo Jalalaqsi ee gobolka Hiiraan.

Taliye Cabduqaadir Cali Nuur oo la hadlay Idaacada Codka Ciidamada ayaa waxaa uu sheegay in Ujeedka howlgalka uu ahaa sidii wadadaas looga saari lahaa xubnaha ka tirsan  Al-shabaab ee hallaas ku leh fariisimaha.

Isaga oo sii hadlaayay ayaa waxaa uu tilmaamay in howlgalka inta uu socday lagu dilay Afar kamid ah Al-shabaab, isla markaana ay badbaadiyeen sadax gaari oo ay lahaayeen dad shacab ah waa sida uu hadalka u dhigay.

Taliyaha Ururka 41aad Guutada 5aad Qaybta 27aad Xoogga Dalka Dhamme Cabduqaadir Cali Nuur ayaa xusay in howlgalka noocaan oo kale ee wada furista ah uu Gobolka Hiiraan ka sii socon doono.

LEAVE A REPLY

Please enter your comment!
Please enter your name here