Muwaadiniin Soomaaliyeed Oo Maanta Lagu Dilay Koonfur Afrika.

0
146

Koox hubeysan oo Burcad Koonfur Afrikaan ah ayaa Maanta deegaan ka tirsan Magaalada Cape-Town ee dalkaas waxaa ay ku dileen laba Muwaadin oo ah Soomaali ah kana mid ahaa Ganacsatada.

Dilka loo geystay Muwaadiniinta Soomaaliyeed ayaa waxaa uu ka dhacay Xaafada lagu magacaabo Gugulethu oo ka tirsan Magaalada Cape-Town, waxaana goobta ka baxsaday ragii hubeysnaa ee dilkaas gestay.

Allaha u naxariistee Muwaadiniinta la dilay ayaa waxaa Magacyadooda lagu soo gaabiyay Cabdi Jigjigo iyo Cali Camuu, kuwaasi oo kamid ahaa dadka goobaha Ganacsi ku leh dalka Koonfur Afrika.

Ragga Koonfur Afrikaanka ah ee dilay Muwaadiniinta Soomaaliyeed ayaa waxaa la sheegay inay yihiin kuwo la tuhunsan yahay in Todobaadkii tegay dil u geystay Saddex ruux oo Ethiopian ah, isla markaana ka mid ahaa Ajaanibta ku ganacsata dalkaas.

Si kastaba Jimcihii lasoo dhaafay ayey aheyd markii Muwaadin Soomaaliyeed lagu dilay Xaafadda Krainfontain ee hoostagta Magaalada Cape Town.

LEAVE A REPLY

Please enter your comment!
Please enter your name here