Galmudug Oo Shaacisey Xiliga La Qabanayo Caleemo-Saarka Madaxweyne Qoorqoor Oo La Shaaciyay.

0
147

Guddiga qaban-qaabada Xaflada Caleemo-saarka Madaxweynaha dowlad Goboleedka Galmudug Axmed Cabdi Kaariye Qoorqoor ayaa kulan ku yeeshay Dhuusamareeb, isagoona shaaciyay waqtiga la qabanayo Xaflada Caleemo-saarka Madaxda Galmudug.

Guddoomiyaha Guddiga Xaflada Caleemo-saarka Yuusuf Garaad Cumar oo War qoraal ah soo dhigay bartiisa Faceebook ayuu ku sheegay in Xafladda Caleema-saarka Madaxweynaha Galmudug iyo ku-xigeenku la qabanayo 26-ka Bishaan Maarso 2020.

“Wadatashi Madaxtooyada Galmudug ka dib, Guddiga qabanqaabadu wuxuu go’aansaday in xafladda Caleema Saarka Madaxweynaha Galmudug iyo Madaxweyne ku Xigeenku ay ka dhacdo Dhuusa Marreeb, Khamiis 26-ka Maarso 2020” ayuu yiri Yuusuf Garaad.

Xaflada Caleemo-saarka Madaxweyne Axmed Cabdi Kaariye Qoorqoor iyo ku-xigeenkiisa Cali Daahir Ciid ayaa waxaa kasoo qeyb geli doona Madax kala duwan oo ka socota dowladda Federaalka Soomaaliya, qaar kamid ah Madaxda Maamul Goboleedyada dalka iyo xubno kale.

LEAVE A REPLY

Please enter your comment!
Please enter your name here